Otra Kraft-prisen 2009
14.01.2010
Otra Kraft-prisen for 2009 på 20.000 kr vart utdelt av kraftverksjef Reidar Ove Mork til den unge kvedaren Knut Kjetilsson Jore frå Valle. Dette skjedde på jolefesten til Valle Mållag.
Knut har, trass i sin unge alder, alt i fleire år utmerka seg med si song og ved å ta i bruk gamle Setesdalstradisjonar innan kvedarkunst.
Pengane skal m.a. brukast til å reise rundt på tevlingar for å konkurrere med andre kvedarar.
Nytt lagerbygg på Holsmoen
07.12.2009
Då Statnett bygde ny 420 kV-linje til Holsmoen måtte det gamle teltet på tippen på Nesland fjernast. Det kom for nær linja.
Otra Kraft fekk erstatning for dette og sette opp kaldtlager på Holsmoen. Det står berre att å installere straum i bygget og montere reolar.
Alt utstyr som låg i teltet er fjerna og det ein vil ta vare på vert lagra i det nye bygget.
Ny T5 til Brokke
12.11.2009
Den 23. oktober 2009 vart ny T5 i Brokke sett idrift. Denne er på 25MVA og erstattar den gamle som var på 6MVA. Transformatoren er produsert i Slovenia og transportvekta var ca. 40t.
Årsrapport 2008 for Otra Kraft
09.06.2009
Årsrapporten for Otra Kraft for 2008 kan lesast på vår heimeside under menyen "Årsrapportar". Den har pdf-format og kan lesast med "Acrobat Reader".
Status for 420 kV-linja Skåreheia-Holen
06.05.2009
Arbeid med å reise master pågår for fullt. Det skal reisast 11 master mellom Bjørgedalen og Brokke. Linja er ferdigstilt opp til Bjørgedalen. Spenningssetting av heile linja fram til Brokke vil etter planen skje i juli/august. Linjestrekking på strekninga Brokke til Berg i Valle har starta.
Ny Pettersenspole til Brokkenettet
06.05.2009
Ny Pettersenspole er bestilt og skal etter planen leverast i november 2009.Denne skal kunne koblast til nullpunktet i dei 2 nye 420/132 kV-transformatorane på Brokke. Dei 2 gamle spolane i Brokke kraftstasjon skal fjernast etter at den nye er montert.
Bjørgedalen koplingsstasjon
Brokke kraftverk. Status for Statnetts 420 kV-anlegg
23.09.2008
Det er for tida stor aktivitet på Brokke i samband med at Statnett bygger sitt koplingsanlegg for 420 kV-linja mellom Skåreheia og Holen kraftverk. 2 stk 420/132 kV transformatorar, kvar på 200 MVA, er på plass i Brokke. Den første kom sist i august og den andre 3. September. Gjennomføringar vert montert og olje påfylt. Dei skal idrift- setjast sommaren 2009. ABB skal begynne å montere apparatanlegget for 420 kV utendørsanlegget i perioden 01.10.08 - 01.04.09. Då skal Siemens montere kontrollanlegget i nytt bygg.
Årsrapport 2007 for Otra Kraft
23.09.2008
Årsrapporten for Otra Kraft for 2007 kan lesast på vår heimeside under menyen "Årsrapportar". Den har pdf-format og kan lesast med "Acrobat Reader".
Revisjon av aggregat 3 i Holen kraftverk
22.09.2008
Revisjonen av aggregat 3 i Holen kraftverk er på det næraste ferdig. Idag startar oppfylling av trykksjakt og prøvestart skjer så snart alt førebuande arbeid er avvikla.